Fýtboldan Qazaqstan birinshiligi: «Qaırat» Almatyda «Taraz» komandasymen teń tústi
NUR-SULTAN. QazAqparat - Búgin, 17 naýryzda fýtboldan Premer-lıga komandalary arasyndaǵy Qazaqstan birinshiliginiń úshinshi týrynda tórt oıynnyń nátıjesi belgili boldy, dep habarlaıdy QazAqparat tilshisi.
Bıylǵy dop dodasynda barlyǵy 14 komanda baq synaıdy. Olar eki aınalym júıesi boıynsha sheberlik baıqasady.
Atalǵan týrdaǵy alǵashqy kezdesý «Atyraý» men «Maqtaral» (Túrkistan oblysy) komandalary arasynda ótti. Oıynda atyraýlyq komanda 2:1 esebimen basym tústi.
Bul týrda óz alańynda «Turan» (Túrkistan) «Kaspıı» (Aqtaý) komandasyna 0:1 esebimen jol berse, «Qaırat» (Almaty) pen «Taraz» arasynda 1:1 esebi tirkeldi. Al «Ordabasy» (Shymkent) men «Aqjaıyq» (Oral) klýbyn 2:0 esebimen jeńdi.
Dál qazir «Astana» (Nur-Sultan) men «Aqtóbe», «Tobyl» (Qostanaı) men «Qyzyljar» (Petropavl) arasyndaǵy kezdesýler ótýde. Alǵashqysynda elordalyq klýb 1:0 esebimen alda tursa, ekinshisinde esep ashylǵan joq.
Eske salsaq, atalǵan týrdaǵy «Shahter» (Qaraǵandy) men «Aqsý» (Pavlodar oblysy) arasyndaǵy kezdesý aýa raıynyń qolaısyzdyǵyna baılanysty keıinge shegerildi.
