Fýtboldan Qazaqstan birinshiligi: «Qaırat» «Aqjaıyqtan» basym tústi
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 23-týry aıaqtaldy, dep habarlaıdy QazAqparat tilshisi.
Atalǵan týrdyń ekinshi oıyn kúninde Almatynyń «Qaıraty» óz alańynda Oraldyń «Aqjaıyǵyn» qabyldady. Oıyn barysynda almatylyq klýbtan Joao Paolo 17, Neboısha Kosovıch 30, Artýr Shýshenachev 62-mınýtta mergendik tanytty. Al 88-mınýtta oraldyq komandadan Lýka Imnadze bir golmen jaýap qaıyrdy. Osylaısha «Qaırat» qarsylasynan 3:1 esebimen basym tústi.
Sondaı-aq, taǵy eki oıynda «Taraz» ben «Atyraý» 2:2 esebimen teń tússe, óz alańynda Aqtaýdyń «Kaspııi» Petropavldyń «Qyzyljaryna» 1:2 esebimen jol berdi.
Aıta ketsek, 2 qazanda elordalyq «Astana» syrt alańda Taldyqorǵannyń «Jetisýyn», óz alańynda Qostanaıdyń «Tobyly» Shymkenttiń «Ordabasysyn» 3:1 esebimen jeńdi.
Al «Qaısar» Qyzylordada «Aqtóbeden» 0:2 esebimen jeńilse, «Turan» (Túrkistan) men «Shahter» (Qaraǵandy) 0:0 esebine qanaǵat bildirdi.
