Fýtboldan Qazaqstan birinshiligi: «Kaspıı» «Shahterdi» oısyrata jeńdi
NUR-SULTAN. QazAqparat – Fýtboldan Premer-lıga komandalary arasyndaǵy el birinshiliginiń on ekinshi týryndaǵy taǵy eki kezdesýdiń nátıjesi belgili boldy, dep habarlaıdy QazAqparat tilshisi.
Aqtaýdyń «Kaspıı» komandasy óz alańynda Qaraǵandynyń «Shahterin» 3:0 esebimen súrindirdi. Atalǵan kezdesýde alań ıeleri qatarynan Davıd Karaev 2, 30-mınýttarda mergendik tanytsa, Ýadjdı Salı 9-mınýtta kózdegen nysanadan múlt ketken joq.
Al «Taraz» óz alańynda kósh sońynda kele jatqan Taldyqorǵannyń «Jetisýyna» 2:3 esebimen jol berdi. Oıyn barysynda tarazdyqtar qatarynan Pedro Eýjenıo 2-mınýtta esep ashsa, 70-mınýtta Baýyrjan Baıtana gol soqty. Al olardyń qatarynan Berik Shaıyqov 47-mınýtta óz qaqpasyna soǵylǵan avtogol avtory atansa, Taldyqorǵandy Artem Dmıtrıev 32, Aıbar Jaqsylyqov 72-mınýtta qanjyǵasyn maılady.
Sondaı-aq, búgin «Atyraý» men «Ordabasy», «Tobyl» (Qostanaı) men «Qyzyljar» (Petropavl) komandalary sheberlik baıqasady.
Al keshe, Oraldyń «Aqjaıyǵy» Túrkistanda «Turandy» 2:0, elordalyq «Astana» Qyzylordada «Qaısardy» 5:2 esebimen jeńdi. Al Almatyda «Qaırat» «Aqtóbeni» 4:2 esebimen tize búktirdi.
