Fýtboldan Qazaqstan birinshiligi: «Kaspıı» kósh basyna shyqty
NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan birinshiligi tórtinshi týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Alǵashqy eki týrdy sátsiz ótkizgen elordalyq «Astana» keıingi oıyndarda jınaqy qımyl kórsetti. Qatarynan eki márte jeńiske jetti. Búgin elorda klýby Túrkistanda «Maqtaral» komandasyn 3:0 esebimen súrindirdi.
Ózge oıyndarda óz alańynda «Kaspıı» «Ordabasyny», «Qyzyljar» «Aqsýdy» 2:1 jeńse, «Taraz» «Atyraýǵa» 0:1 esebimen jol berdi. Al «Aqtóbe» men «Shahter» 1:1 esebine qanaǵat bildirdi.
Endi 4 sáýirde taǵy eki oıyn ótkiziledi. Aldymen, 16.00-de «Aqjaıyq» (Oral) men «Qaırat» (Almaty) kezdesse, 19.00-de «Tobyl» (Qostanaı) men «Turan» (Túrkistan) sheberlik baıqasady.
Búgingi nátıje boıynsha 10 upaımen «Kaspıı» komandasy kósh basyna shyqty. Odan keıingi oryndarda úsh oıynnan keıin 7 upaımen «Shahter»,«Qaırat» jáne «Tobyl» komandalary keledi.
