Fýtboldan Qazaqstan birinshiligi: Búgin jetinshi týr oıyndary bastalady
NUR-SULTAN. QazAqparat - Búgin, 23 sáýirde fýtboldan Premer-lıga komandalary arasyndaǵy el birinshiliginiń jetinshi týry bastalady, dep habarlaıdy QazAqparat tilshisi.
Oıyndar 23 jáne 24 sáýir kúnderine belgilengen. Alǵashqy kúninde tórt jupta komandalar ózara kezdesse, ekinshi kúninde úsh kezdesý bolady.
23 sáýirde 15.00-de «Kaspıı» (Aqtaý) jáne «Taraz» klýbtary atalǵan týrdyń shymyldyǵyn túredi. Odan keıin 17.00-de «Shahter» (Qaraǵandy) jáne «Astana» (Nur-Sultan), «Atyraý» men «Qaırat» (Almaty) jasyl alańǵa shyǵady. Bul kúngi sońǵy oıyn 19.00-de «Tobyl» (Qostanaı) men «Turan» (Túrkistan) arasynda ótedi.
Al 24 sáýirde 15.00-de «Qyzyljar» (Petropavl) men «Jetisý» (Taldyqorǵan), «Aqjaıyq» (Oral) pen «Aqtóbe» komandalary sheberlik baıqasady. Jetinshi týrdy «Ordabasy» (Shymkent) pen «Qaısar» (Qyzylorda) komandalary túıindeıdi.
Esterińizge sala ketelik, altynshy týrdan keıin 14 upaımen «Astana» jáne «Taraz» komandalary kósh bastap tur. Úzdik úshtikte «Qaırat» 12 upaımen keledi.
