Fýtboldan Qazaqstan birinshiligi: Búgin on tórtinshi týr oıyndary bastalady
NUR-SULTAN. QazAqparat – Búgin fýtboldan Premer-lıga komandalary arasyndaǵy el birinshiliginiń on tórtinshi týry bastalady, dep habarlaıdy QazAqparat tilshisi.
Oıyndar 28 jáne 29 mamyr kúnderine belgilengen. Alǵashqy kúni úsh jup kezdesse, ekinshi kúninde tórt match ótedi.
Atalǵan týrdyń shymyldyǵy 28 mamyrda elorda ýaqytymen 17.00-de «Qyzyljar» (Petropavl) men «Taraz» komandalary kezdesýimen ashylady. Odan keıin 19.00-de «Qaırat» (Almaty) men «Qaısar» (Qyzylorda), 20.00-de «Turan» (Túrkistan) men «Jetisý» (Taldyqorǵan) kezdesýlerimen jalǵasady.
Al 29 mamyrda 18.00-de «Ordabasy» (Shymkent) men «Shahter» (Qaraǵandy), «Kaspıı» (Aqtaý) men «Astana» (Nur-Sultan) bolady. Atalǵan týrdy 20.00-de «Atyraý» men «Aqjaıyq» (Oral), «Tobyl» (Qostanaı) men «Aqtóbe» oıyndary túıindeıdi.
On úshinshi týrdan keıin 33 upaımen «Astana» kósh bastap keledi. Odan keıingi oryndardaǵy «Tobyldyń» 28, «Qaırattyń» 21 upaıy bar.
