Fýtboldan Qazaqstan birinshiligi: Búgin on ekinshi týr oıyndary bastalady
NUR-SULTAN. QazAqparat – Búgin fýtboldan Premer-lıga komandalary arasyndaǵy el birinshiliginiń on ekinshi týry bastalady, dep habarlaıdy QazAqparat tilshisi.
Oıyndar 18 jáne 19 mamyr kúnderine belgilengen. Alǵashqy kúni úsh, odan keıin tórt kezdesý ótkiziledi.
Atalǵan týrdyń shymyldyǵy 18 mamyrda elorda ýaqytymen 18.00-de «Turan» (Túrkistan) men «Aqjaıyq» (Oral) komandalary kezdesýimen ashylady. Odan keıin 19.00-de «Qaırat» (Almaty) pen «Aqtóbe» (Almaty), 21.00-de «Qaısar» (Qyzylorda) men «Astana» (Nur-Sultan) komandalary sheberlik baıqasady.
Al 15 mamyrda 18.00-de «Kaspıı» (Aqtaý) men «Shahter» (Qaraǵandy), «Taraz» ben «Jetisý» (Taldyqorǵan) komandalary jasyl alańǵa shyǵady. Atalǵan týrdy 20.00-de «Atyraý» men «Ordabasy», «Tobyl» (Qostanaı) men «Qyzyljar» (Petropavl) kezdesýleri túıindeıdi.
Esterińizge sala ketelik, on birinshi týrdan keıin 29 upaımen «Astana» kósh bastap keledi. Odan keıingi oryndardaǵy «Tobyldyń» 22, «Aqjaıyqtyń» 18 upaıy bar.
