Fýtboldan Qazaqstan birinshiligi: Búgin el chempıony anyqtalady
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiligi máresine jetedi, dep habarlaıdy QazAqparat tilshisi.
Barlyq oıyndar búgin, 30 qazanda ótkiziledi.
Atalǵan týrda jankúıerler 14.00-de bastalatyn «Shahter» (Qaraǵandy) men «Atyraý», «Taraz» ben «Qaısar» (Qyzylorda), «Qyzyljar» (Petropavl) men «Ordabasy» (Shymkent), «Jetisý» (Taldyqorǵan) men «Qaırat» (Almaty) oıyndaryna kóz tigedi.
Al 16.00-de «Aqjaıyq» (Oral) pen «Tobyl» (Qostanaı), «Astana» (Nur -Sultan) men «Turan» (Túrkistan), «Aqtóbe» men «Kaspıı» (Aqtaý) komandalary kezdesedi.
Qazir «Tobyl» men «Astana» chempıondyqqa talas júrgizip keledi. Onyń biri búgin súringen jaǵdaıda altyn medal taǵdyry sheshilýi múmkin.
Aıta ketsek, «Qaırat» bıylǵy birinshiliktiń qola júldegeri atandy.
25-týr nátıjesi boıynsha 58 upaımen «Tobyl» kósh basynda keledi. Odan keıingi oryndardaǵy «Astananyń» - 56, «Qaırattyń» - 50 upaıy bar.
