Fýtboldan Qazaqstan birinshiligi: Búgin besinshi týr oıyndary bastalady
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń besinshi týry bastalady, dep habarlaıdy QazAqparat tilshisi.
Oıyndar 13 jáne 14 sáýir kúnderine belgilengen. Alǵashqy kúni eki oıyn ótkizilse, odan keıin qalǵan bes kezdesý jankúıerler nazaryna usynylady.
Atalǵan týr shymyldyǵy 13 sáýirde 14.00-de «Qyzyljar» (Petropavl) men «Aqtóbe» komandalary arasyndaǵy oıynda túriledi. Odan keıin 16.00-de «Shahter» (Qaraǵandy) jáne «Aqjaıyq» (Oral) komandalary jasyl alańǵa shyǵady.
Al 14 sáýirdegi alǵashqy kezdesý 15.00-de «Ordabasy» (Shymkent) men «Astana» (Nur-Sultan) arasynda bolady. Kelesi kezekte 16.00-de «Kaspıı» (Aqtaý) men «Qaırat» (Almaty), 17.00, 18:00 «Tobyl» (Qostanaı) men «Qaısar» (Qyzylorda) klýbtary ózara sheberlik baıqasady. Sondaı-aq, 18.00-de «Atyraý» men «Jetisý» (Taldyqorǵan) oınasa, atalǵan týrdy 20.00-de «Turan» (Túrkistan) men «Taraz» klýbtary túıindeıdi.
Esterińizge sala ketelik, tórtinshi týrdan keıin kósh basynda 10 upaımen Almatynyń «Qaırat» komandasy keledi. Ekinshi jáne úshinshi oryndardaǵy «Astana» jáne «Taraz» komandalarynyń enshisinde segiz upaıdan bar.
