Fýtboldan Qazaqstan birinshiligi: Búgin 19-týr oıyndary bastalady
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń 19-týry bastalady, dep habarlaıdy QazAqparat tilshisi.
Oıyndar 2, 3 jáne 4 shilde kúnderine belgilengen. Aldymen, 2 shildede úsh jup kezdesedi. 3 shildede úsh match ótse, 4 shildede taǵy bir oıyn bar.
Atalǵan týrdyń shymyldyǵy 2 shildede saǵat 19.00-de «Qaırat» (Almaty) pen «Atyraý», «Astana» (Nur-Sultan) men «Shahter» (Qaraǵandy) komandalary kezdesýlerimen ashylady. Odan keıin 21.00-de «Aqtóbe» men «Aqjaıyq» (Oral) oıyny bolady.
Al 3 shildede saǵat 18.00-de «Jetisý» (Taldyqorǵan) men «Qyzyljar» (Petropavl), 21.00-de «Qaısar» (Qyzylorda) men «Ordabasy» (Shymkent), 20.00-de «Turan» (Túrkistan) men «Tobyl» (Qostanaı) oıyndary ótkiziledi. Atalǵan týrdy 4 shildede saǵat 19.00-de «Taraz» ben «Kaspıı» (Aqtaý) kezdesýi túıindeıdi.
On 18-týrdan keıin 39 upaımen «Tobyl» kósh bastap keledi. Odan keıingi oryndardaǵy «Astananyń» - 38, «Qaırattyń» 34 upaıy bar.
