Fýtboldan Qazaqstan birinshiligi: Búgin 17-týr oıyndary bastalady
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń on jetinshi týry bastalady, dep habarlaıdy QazAqparat tilshisi.
Oıyndar 22 jáne 23 maýsym kúnderine belgilengen. Alǵashqy kúni úsh jup kezdesse, ekinshi kúninde tórt match ótedi.
Atalǵan týrdyń shymyldyǵy 22 maýsymda 19.00-de «Astana» (Nur-Sultan) men «Ordabasy» (Shymkent) komandalary kezdesýimen ashylady. Odan keıin 20.00-de «Aqjaıyq» (Oral) men «Shahter» (Qaraǵandy), 21.00-de «Aqtóbe» men «Qyzyljar» (Petropal) kezdesýlerimen jalǵasady.
Al 23 maýsymda 18.00-de «Jetisý» (Taldyqorǵan) men «Atyraý», 19.00-de «Qaırat» (Almaty) men «Kaspıı» (Aqtaý), 20.00-de «Taraz» ben «Turan» (Túrkistan) oıyndary bolady. Bul týrdy 21.00-de «Qaısar» (Qyzylorda) men «Tobyl» (Qostanaı) kezdesýi túıindeıdi.
On altynshy týrdan keıin 38 upaımen «Astana» kósh bastap keledi. Odan keıingi oryndardaǵy «Tobyldyń» 35, «Qaırattyń» 30 upaıy bar.
