Fýtboldan Qazaqstan birinshiligi: Búgin 16-týr oıyndary bastalady
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń on altynshy týry bastalady, dep habarlaıdy QazAqparat tilshisi.
Oıyndar 18 jáne 19 maýsym kúnderine belgilengen. Alǵashqy kúni tórt jup kezdesse, ekinshi kúninde úsh match ótedi.
Atalǵan týrdyń shymyldyǵy 12 maýsymda 18.00-de «Qyzyljar» (Petropavl) men «Aqjaıyq» (Oral) komandalary kezdesýimen ashylady. Odan keıin 19.00-de «Shahter» (Qaraǵandy) men «Taraz», 20.00-de «Atyraý» men «Astana» (Nur-Sultan), 21.00-de «Ordabasy» (Shymkent) men «Aqtóbe» kezdesýlerimen jalǵasady.
Al 19 maýsymda 19.00-de «Tobyl» (Qostanaı) men «Jetisý» (Taldyqorǵan), «Kaspıı» (Aqtaý) men «Qaısar» (Qyzylorda) oıyndary bolady. Bul týrdy 21.00-de «Turan» (Túrkistan) men «Qaırat» (Almaty) kezdesýi túıindeıdi.
On besinshi týrdan keıin 35 upaımen «Astana» kósh bastap keledi. Odan keıingi oryndardaǵy «Tobyldyń» 32, «Qaırattyń» 27 upaıy bar.
