Fýtboldan Qazaqstan birinshiligi: Búgin 15-týr oıyndary bastalady
NUR-SULTAN. QazAqparat - Búgin fýtboldan Premer-lıga komandalary arasyndaǵy el birinshiliginiń on besinshi týry bastalady, dep habarlaıdy QazAqparat tilshisi.
Oıyndar 12 jáne 13 maýsym kúnderine belgilengen. Alǵashqy kúni tórt jup kezdesse, ekinshi kúninde úsh match ótedi.
Atalǵan týrdyń shymyldyǵy 12 maýsymda 18.00-de «Jetisý» (Taldyqorǵan) men «Kaspıı» (Aqtaý) komandalary kezdesýimen ashylady. Odan keıin 19.00-de «Aqtóbe» men «Atyraý», 20.00-de «Aqjaıyq» (Oral) men «Ordabasy» (Shymkent), 21.00-de «Shahter» (Qaarǵandy) men «Qyzyljar» (Petropavl) kezdesýlerimen jalǵasady.
Al 13 maýsymda 19.00-de «Taraz» ben «Qaırat» (Almaty), «Astana» (Nur-Sultan) men «Tobyl» (Qostanaı) oıyndary bolady. Bul týrdy 21.00-de «Qaısar» (Qyzylorda) men «Turan» (Túrkistan) kezdesýi túıindeıdi.
Eske salsaq, budan burynǵy on tórtinshi týr 28 jáne 29 mamyr kúnderi oınaldy. Odan keıin ulttyq quramanyń joldastyq kezdesýine oraı el birinshiliginde azdaǵan úzilis boldy.
On tórtinshi týrdan keıin 34 upaımen «Astana» kósh bastap keledi. Odan keıingi oryndardaǵy «Tobyldyń» 31, «Qaırattyń» 24 upaıy bar.
