Fýtboldan Qazaqstan birinshiligi: «Astana» jeńip, «Qaırat» ese jiberdi
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 20-týry oıyny aıaqtaldy, dep habarlaıdy QazAqparat tilshisi.
Búgin atalǵan týrdyń ekinshi oıyn kúninde «Shahter» «Jetisýdy» 3:1 esebimen jeńse, «Ordabasy» «Qaıratty», «Tobyl» «Kaspııdi» 2:1 esebimen tize búktirdi. Al «Aqtóbe» men «Taraz» 0:0 esebine qanaǵat bildirdi.
Bul týrdyń alǵashqy kúninde «Qyzyljar» «Qaısardan» 2:0 esebimen basym túsken edi. Odan keıin óz alańynda «Aqjaıyq» «Astanadan» 0:1 esebimen jeńilse, «Atyraý» men «Turan» komandalary 2:2 esebimen teń tústi.
Osy týrdan keıin 45 upaımen «Tobyl» kósh basynda tur. Odan keıingi oryndardaǵy «Astananyń» 44, «Qaırattyń» 37 upaıy bar.
Endi kelesi týr oıyndary 18 qyrkúıek kúni ótkiziledi.
