Fýtboldan Qazaqstan birinshiligi: «Astana» «Tobyldan» tórt upaıǵa uzap ketti
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 22-týrynda elordalyq «Astana» kezekti jeńisine qol jetkizdi, dep habarlaıdy QazAqparat tilshisi.
Elordalyq klýb búgin óz alańynda «Taraz» komandasyn qabyldady. Oıyn barysynda «Astana» qarsylastar qaqpasyna jaýapsyz úsh gol soqty. Ony Marın Tomasov 1, 21, Tıgran Barsegıan 7-mınýttarda óziniń enshisine jazdy.
Osylaısha «Astana» 3:0 esebimen jeńiske jetip, týrnır kestesinde 50 upaımen kósh basyna shyqty. Qazir olar chempıondyqtan taǵy bir úmitker sanalyp júrgen «Tobyldan» tórt upaıǵa uzap ketti. Degenmen qostanaılyq klýb qazir syrt alańda «Atyraýmen» kezdesýde. Taǵy bir oıynda «Ordabasy» men «Kaspıı» sheberlik baıqasyp jatyr.
Sondaı-aq, búgin «Aqjaıyq» pen «Qaısar» 1:1 esebimen teń oınady.
Al 26 qyrkúıekte Almatynyń «Qaıraty» syrt alańda Qaraǵandynyń «Shahterimen» 1:1 esebine qanaǵat bildirdi. Túrkistannyń «Turany» syrt alańda Petropavldyń «Qyzyljaryn» 1:0 esebimen tize búktirse, óz alańynda «Aqtóbe» Taldyqorǵannyń «Jetisýynan» 2:0 esebimen basym tústi.
Foto: fcastana.kz
