Fýtboldan Qazaqstan birinshiligi: «Astana» on birinshi jeńisine qol jetkizdi
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń on altynshy týrynyń alǵashqy oıyn kúni aıaqtaldy, dep habarlaıdy QazAqparat tilshisi.
Budan buryn Oraldyń «Aqjaıyǵy» syrt alańda Petropavldyń «Qyzyljarynan» 1:0 esebimen basym túskenin habarlaǵan edik.
Odan keıingi kezdesýde Qaraǵandynyń «Shahteri» «Taraz» komandasyn qabyldady. Oıyn taǵdyryn sheshken jalǵyz goldy qaraǵandylyq Alan Chochıev 21-mınýtta óz enshisine jazdy. Osylaısha «Shahter» jeti oıynǵa sozylǵan sátsizdikter serııasyn toqtatyp, qarsylasynan 1:0 esebimen basym tústi.
Elordalyq «Astana» syrt alańda «Atyraýdy» 2:0 esebimen tize búktirdi. Eki goldy da Marın Tomasov soqty. Nátıjesinde ol bıylǵy birinshilikte soqqan golynyń sanyn 11-ge jetkizdi.
Al Shymkenttiń «Ordabasy» klýby óz alańynda «Aqtóbege» 0:1 esebimen jol berdi. Kezdesý taǵdyryn sheshken, 80-mınýtta soǵylǵan goldyń avtory - ıÝrıı Logvınenko.
Atalǵan týrdaǵy qalǵan úsh oıyn 19 maýsymda ótkiziledi. Bul kúni «Tobyl» (Qostanaı) men «Jetisý» (Taldyqorǵan), «Kaspıı» (Aqtaý) men «Qaısar» (Qyzylorda), «Turan» (Túrkistan) men «Qaırat» (Almaty) kezdesedi.
