Fýtboldan Qazaqstan birinshiligi: «Astana» men «Qaırat» birdeı upaı jınady
NUR-SULTAN. QazAqparat - Búgin, 14 cáýirde fýtboldan Premer-lıga komandalary arasyndaǵy el birinshiliginiń besinshi týrynda taǵy eki oıynnyń nátıjesi belgili boldy, dep habarlaıdy QazAqparat tilshisi.
Búgingi oıyndar Shymkentte «Ordabasy» men elordalyq «Astana» komandalary arasynda bastaldy. Atalǵan kezdesýde elordalyq fýtbolshylar jınaqy qımyl kórsetti. Nátıjesinde alań ıeleri qarsylastarynyń qaqpasyna tórt gol soqty. Ony «Astana» sapynan Abat Aıymbetov 19, 60, Tıgran Barsegıan 53, Marın Tomasov 78-mınýttarda óziniń enshisine jazdy. Oǵan shymkenttik fýtbolshy Erkebulan Tuńǵyshbaev 22-mınýtta bir golmen jaýap qaıyrdy. Osylaısha «Ordabasy» qarsylasyna 1:4 esebimen ese jiberdi.
Taǵy bir kezdesý Aqtaýda jergilikti «Kaspıı» men Almatynyń «Qaırat» komandalary arasynda boldy. Oıyn barysynda alań ıeleri qatarynan Rýslan Mıngazov 32-mınýtta esep ashqan bolatyn. Almatylyq klýb sapynan Denıs Polıakov 43-mınýtta oǵan bir golmen jaýap berdi. Aıta keterligi, 36-mınýtta «Qaırat» oıynshysy Aıbol Ábiken qyzyl qaǵaz alyp, alańnan qýyldy.
Ázirge kósh basynda «Astana» men «Qaırat» qatarlas tur. Ekeýiniń enshisinde 11 upaıdan bar. Úzdik úshtikti toǵyz upaımen «Aqtóbe» túıindedi.
Dál qazir Qostanaıda «Tobyl» men Qyzylordanyń «Qaısar» komandalary arasyndaǵy kezdesýdiń birinshi kezeńi aıaqtaldy. Esep 1:0. Alań ıeleri sapynan 2-mınýtta Tonı Sılva mergendik tanytty.
Sondaı-aq, búgin 18.00-de «Atyraý» men «Jetisý» (Taldyqorǵan) oınasa, atalǵan týrdy 20.00-de «Turan» (Túrkistan) men «Taraz» klýbtary túıindeıdi.
Atalǵan týrda keshe, búgin 18.00-de «Atyraý» men «Jetisý» (Taldyqorǵan) oınasa, 20.00-de «Turan» (Túrkistan) men «Taraz» klýbtary alańǵa shyǵady.
Aıta keterligi, atalǵan týrda keshe óz alańynda Petropavldyń «Qyzyljary» «Aqtóbeden», Qaraǵandynyń «Shahteri» Oraldyń «Aqjaıyǵynan» 1:2 esebimen jeńildi.
