Fýtboldan Qazaqstan birinshiligi: «Astana» kósh basyna shyqty
NUR-SULTAN. QazAqparat - Búgin, 18 cáýirde fýtboldan Premer-lıga komandalary arasyndaǵy el birinshiliginiń altynshy týrynda úsh oıyn ótti, dep habarlaıdy QazAqparat tilshisi.
Alǵashqy oıynda «Taraz» óz alańynda Oraldyń «Aqjaıyq» komandasyn jeńdi. Kezdesý taǵdyryn alań ıeleri qatarynan 48-mınýtta Pedro Eýjenıo soqqan jalǵyz gol sheshti. Osylaısha tarazdyqtar 1:0 esebimen jeńiske jetti. Atalǵan jeńisinen keıin «Taraz» týrnır kestesinde 14 upaımen ekinshi orynǵa kóterildi.
Elordada «Astana» Qyzyljardyń «Qyzyljar» komandasyn 3:1 esebimen tize búktirdi. Kezdesýde elordalyq Abzal Beısebekov 4-mınýtta esep ashqan edi. Oǵan qyzyljarlyq komandadan Álibek Qasym 40-mınýtta bir golmen jaýap berdi. Odan keıin «Astana» sapynan Marıon Tomasov 65, Maks Ebong 67-mınýttarda gol soǵyp, qorytyndy esepti belgiledi. Jeńisinen keıin elordalyq klýb týrnır kestesinde kósh basyna shyqty.
Al Qyzylordada jergilikti «Qaısar» men «Atyraý» komandalary 1:1 esebine qanaǵat bildirdi. Bul oıynda alań ıelerinen Karolıs Laýkjemıs 4-mınýtta esep ashsa, 83-mınýtta atyraýlyq Dmıtrıı Gýz tarazy basyn teńestirdi.
Atalǵan týrdaǵy qalǵan oıyndar 19 sáýirde ótkiziledi. Bul kúni «Jetisý» men «Ordabasy», «Aqtóbe» men «Shahter», «Qaırat» pen «Tobyl», «Turan» men «Kaspıı» komandalary kezdesedi.
