Fýtboldan Qazaqstan birinshiligi: «Astana» qaıtadan kósh basyna shyqty
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń 21-týrynyń alǵashqy oıyn kúni ótti, dep habarlaıdy QazAqparat tilshisi.
Elordalyq «Astana» óz alańynda «Aqtóbeden» 2:1 esebimen basym tústi. Kezdesý barysynda elordalyq klýbtan Fatos Bechıraı 4, Marın Tomasov 15-mınýttarda mergendik tanytty. Oǵan aqtóbelik komandadan Dmıtrıı Korkıshko 19-mınýtta adlǵyz golmen jaýap qaıyrdy.
Osylaısha «Astana» týrnır kestesinde qaıtadan kósh basyna shyqty. Qorjynynda 47 upaı bar. Al ekinshi oryndaǵy «Tobyl» 20 oıynnan keıin 45 upaı enshilegen.
Sondaı-aq, «Jetisý» men «Aqjaıyq» 2:2, «Turan» men «Ordabasy» 1:1 esebimen teń tússe, «Kaspıı» «Atyraýdan» 2:1 esebimen basym tústi.
Atalǵan týrdaǵy ekinshi oıyn kúni 19 qyrkúıekte jalǵasady. Bul kúni «Taraz» ben «Tobyl» (Qostanaı), «Qaırat» (Almaty) men «Qyzyljar» (Petropavl), «Qaısar» (Qyzylorda) men «Shahter» (Qaraǵandy) sheberlik baıqasady.
