Fýtboldan Qazaqstan birinshiligi: «Astana» «Qaırattan» bes upaıǵa uzap ketti
NUR-SULTAN. QazAqparat - Búgin, 23 sáýirde fýtboldan Premer-lıga komandalary arasyndaǵy el birinshiliginde eki oıynnyń nátıjesi belgili boldy, dep habarlaıdy QazAqparat tilshisi.
Elordalyq «Astana» syrt alańda Qaraǵandynyń «Shahter» komandasyn jeńdi. Bul oıynda Valerıı Chýperka 19-mınýtta soqqan jalǵyz gol eordalyq klýbqa jeńis syılady. Osylaısha «Astana» qatarynan tórtinshi márte jeńiske jetti. Týrnır kestesinde 17 upaımen jeke-dara kósh basyna shyqty. Sońynda kele jatqan «Tarazdan» 4, «Qaırattan» 2 upaıǵa uzap ketti.
Elordalyq klýbty ókshelep kele jatqan «Taraz» syrt alańda Aqtaýdyń «Kaspıı» klýbyna 0:1 esebimen ese jiberdi. Kezdesýde 31-mınýtta alań ıeleri qatarynan Ýadjdı Salı soqqan jalǵyz gol oıyn taǵdyryn sheshti.
Dál qazir «Qaırat» syrt alańda «Atyraýdan» 0:1 esebimen jeńilip jatsa, «Tobyl» óz alańynda dál sol eseppen «Turannan» basym túsýde.
Jetinshi týrdaǵy qalǵan oıyndar 24 sáýirde ótkizeldi. Bul kúni «Qyzyljar» (Petropavl) men «Jetisý» (Taldyqorǵan), «Aqjaıyq» (Oral) pen «Aqtóbe», «Ordabasy» (Shymkent) pen «Qaısar» (Qyzylorda) komandalary kezdesedi.
