Fýtboldan Qazaqstan birinshiligi: «Astana» qatarynan altynshy ret jeńiske jetti
NUR-SULTAN. QazAqparat - Fýtboldan Premer-lıga komandalary arasyndaǵy el birinshiliginiń toǵyzynshy týrynyń alǵashqy oıyny aıaqtaldy, dep habarlaıdy QazAqparat tilshisi.
Birinshi kezdesýde «Aqtóbe» óz alańynda elordalyq «Astana» komandasyn qabyldaǵan bolatyn. Aıta keterligi, elordalyq klýb budan buryn bes oıyn qatarynan jeńiske jetse, alań ıeleri úsh kezdesýde qarsylastaryna ese jiberip qoıdy.
Sol sebepti búgin aqtóbelikter alǵa qaraı umtylatyny anyq edi. Dese de barlyǵy ózderi oılaǵandaı bolǵan joq. «Astana» birinshi kezeńniń ózinde eki gol soǵyp ketti. Ony Marın Tomasov - 9, Valerıı Chýperka 27-mınýttarda ózderiniń enshisine jazdy.
Kezdesýde «Aqtóbe» qarsylasynan 0:2 esebimen jeńildi.
Elordalyq klýb atalǵan jeńisinen keıin týrnır kestesinde 23 upaımen birinshi orynda tur.
Dál qazir «Atyraý» men «Kaspıı» (Aqtaý) komandalary kezdesýiniń birinshi kezeńi aıaqtaldy. Ázirge alań ıeleri 2;1 basym túsýde.
Sondaı-aq, búgin 19.00-de «Tobyl» (Qostanaı) men «Taraz» komandalary jasyl alańǵa shyǵady.
Endi 3 mamyrda «Qyzyljar» (Petropavl) men «Qaırat» (Almaty), «Ordabasy» (Shymkent) men «Turan» (Túrkistan), «Aqjaıyq» (Oral) pen «Jetisý» (Taldyqorǵan), «Shahter» (Qaraǵandy) men «Qaısar» (Qyzylorda) sheberlik baıqasady.
