Fýtboldan Qazaqstan birinshiligi: Almatynyń «Qaıraty» kósh basyna shyqty
NUR-SULTAN. QazAqparat - Fýtboldan Premer-lıga komandalary arasyndaǵy Qazaqstan birinshiliginde Almatynyń «Qaıraty» kósh basyna shyqty, dep habarlaıdy QazAqparat tilshisi.
Almatylyq klýb búgin, 9 sáýirde, óz alańynda Aqtaýdyń «Kaspıı» komandasyn 1:0 esebimen tize búktirdi. Kezdesý taǵdyryn sheshken goldy Joao Paolo 41-mınýtta óziniń enshisine jazdy.
Atalǵan jeńisten keıin «Qaırat» týrnır kestesinde kósh basyna shyqty.
Aldymen Oraldyń «Aqjaıyǵy» syrt alańda «Atyraýdy» 1:0 esebimen tize búktirdi.
Odan keıin kósh basynda kele jatqan Qostanaıdyń «Tobyly» syrt alańda Shymkenttiń «Ordabasy» komandasyna 1:3 esebimen ese jiberdi .
Sondaı-aq, 10 sáýirde «Shahter» (Qaraǵandy) jáne «Maqtaral» (Túrkistan oblysy), «Aqsý» (Pavlodar oblysy) men «Aqtóbe», «Turan» (Túrkistan) men «Qyzyljar» (Petropavl), «Astana» (Nur-Sultan) men «Taraz» komandalary kezdesedi.
