Fýtboldan Qazaqstan áıelder quramasy ÁCh-2019 irikteý tobynda birinshi oryn aldy
ASTANA. QazAqparat - Álem chempıonaty-2019 irikteý týrnıriniń aldyn ala kezeńiniń qorytyndy matchynda Qazaqstan áıelder quramasy Estonııany 1:0 esebimen jeńdi, dep habarlaıdy Sports.kz.
Kezdesý bári oılaǵandaı ońaı bolmady, estondyqtar jarysqa jaqsy ázirlenip kelgen. Birinshi taım nólmen aıaqtalsa, oıynnyń ekinshi jartysynda qazaqstandyq ıÝlııa Nıkolaenko gol saldy. Osylaısha, otandastarymyz jeti upaı jınap, kvartette birinshi orynǵa shyqty. Olar 2017 jyldyń 11 qyrkúıegi men 2018 jyldyń 4 qyrkúıegi aralyǵynda ótetin Álem chempıonaty-2019 irikteý raýndynyń toptyq kezeńine joldama aldy.
Estonııa - Qazaqstan 0:1 (0:0)
Gol: Nıkolaenko 62 (0:1)
Estonııa: Strıgın, Paýlýs, Loo (Tammık 82), Kýbasova (Aarna 77), Bannıkova, Zlıdnıs, Rozen (Toom 70), Vals, Saar, Rýtkovskaıa, Tıýlp.
Qazaqstan: Jeleznıak (Grebenıýk 60), Jańataeva, Qyrǵyzbaeva, Krasıýkova, Vyldanova, Karıbaeva (Haırýlına 89), Bortnıkova, Nıkolaenko (Gaıstenova 90+4), Babshýk, Mıasnıkova, Aıtymova.
Bas sýdıa: Elenı Lampadarıý (Gretsııa)
11 sáýir. Tbılısı. Mıhaıl Meshı-2.
