Fýtboldan Qazaqstan áıelder quramasynyń Ulttar lıgasyndaǵy oıyn kestesi anyqtaldy
ASTANA. KAZINFORM - Fýtboldan Qazaqstan áıelder quramasynyń UEFA Ulttar lıgasyndaǵy oıyn kestesi anyqtaldy.
Jerebe qorytyndysy boıynsha bizdiń qurama C lıgasynyń altynshy tobyna tústi. Bul topta otandastarymyz Armenııa jáne Chernogorııa quramalarymen kúsh synasady.
Jarys 2027 jyldyń aqpan aıynda bastalady. Top jeńimpazy B lıgasyna kóterilý múmkindigine ıe bolady.
Jerebe aldynda Qazaqstan áıelder ulttyq quramasy S lıgasynda ekinshi sebetke ornalasty.
Bul kezeńdegi oıyndar 2027 jyldyń 2 naýryzy men 15 maýsymy aralyǵynda ótkiziledi. Otandastarymyz alǵashqy kezdesýinde 2 naýryzda syrt alańda Armenııamen jasyl alańǵa shyqsa, 20 sáýirde atalǵan qarsylasyn óz alańynda qabyldaıdy.
Odan keıin 24 sáýirde óz alańynda Chernogorııamen oınasa, 11 maýsymda olarmen syrt alańda sheberlik baıqasady.
S lıgasyndaǵy quramalardyń ornalasýy tómendegishe:
Birinshi top: Slovakııa, Horvatııa, Bolgarııa, Gıbraltar
Ekinshi top: Latvııa, Ázerbaıjan, Grýzııa, Lıhtenshteın
Úshinshi top: Izraıl, Farer araldary, Soltústik Makedonııa, Andorra
Tórtinshi top: Lıýksembýrg, Bosnııa jáne Gertsegovına, Estonııa, San-Marıno
Besinshi top: Malta, Moldova, Kıpr
Altynshy top: Chernogorııa, Qazaqstan, Armenııa.
UEFA jerebe rásimine sáıkes, S lıgasynda 22 qurama alty topqa bólindi. Onyń tórteýinde tórt, qalǵan ekeýinde úsh komandadan oıyn kórsetedi.
Sondaı-aq A jáne V lıgalarynda quramalar tómendegishe bólingen.
A lıgasy
Birinshi top: Ispanııa (qazirgi chempıon), Norvegııa, Irlandııa, Shveıtsarııa
Ekinshi top: Frantsııa, Anglııa, Aýstrııa, Portýgalııa
Úshinshi top: Danııa, Italııa, Islandııa, Ýels
Tórtinshi top: Germanııa, Nıderland, Shvetsııa, Shotlandııa.
V lıgasy
Birinshi top: Serbııa, Belgııa, Albanııa, Rýmynııa
Ekinshi top: Ýkraına, Chehııa, Grekııa, Lıtva
Úshinshi top: Polsha, Fınlıandııa, Soltústik Irlandııa, Belarýs
Tórtinshi top: Slovenııa, Túrkııa, Vengrııa, Kosovo.