Fýtboldan Qazaqstan áıelder quramasynyń bas bapkeri taǵaıyndaldy

ASTANA. KAZINFORM - Qazaqstan fýtbol federatsııasy Begaıym Qyrǵyzbaevanyń Qazaqstan áıelder ulttyq quramasynyń bas bapkeri qyzmetine taǵaıyndalǵanyn jarııalady.

Begaıym Saparqyzy – qazaqstandyq áıelder fýtbolynyń eń jarqyn ókilderiniń biri. Fýtbolshy retinde 11 ret Qazaqstan chempıony atanyp, 10 márte Qazaqstan Kýbogyn jeńip alǵan.

Ulttyq qurama sapynda 2003 jyldan beri óner kórsetip, Qazaqstan áıelder quramasy tarıhyndaǵy eń kóp match ótkizgen rekordshy atandy. Onyń enshisinde eldiń basty komandasy sapynda 85 oıyn jáne 17 gol bar.

Begaıym Saparqyzy bapkerlik qyzmetin 2022 jyly bastady. Ol «Oqjetpes» jáne «Elimaı» áıelder komandalaryn jattyqtyryp, sondaı-aq Qazaqstan áıelder ulttyq quramasynda bas bapkerdiń kómekshisi qyzmetin atqardy.

Eske salsaq, budan buryn Fýtboldan Qazaqstan quramasynyń bapkerler quramy anyqtaldy.