Fýtboldan Qazaqstan áıelder quramasy Qyrǵyzstandy jeńdi

ASTANA. KAZINFORM — Fýtboldan Qazaqstan áıelder quramasy Qyrǵyzstanmen alǵashqy joldastyq kezdesýin ótkizdi.

Kezdesý barysynda qazaqstandyq fýtbolshylar jınaqy qımyl kórsetti. Nátıjesinde el quramasynan Karına Berikova het-trıktiń avtory atandy. Oǵan qyrǵyzstandyq fýtbolshylar bir golmen jaýap qaıyrdy.

Osylaısha otandastarymyz qaarsylasyn 3:1 esebimen jeńdi.

Endi olar atalǵan qarsylasymen 28 mamyrda taǵy bir márte joldastyq kezdesý ótkizedi.
Oqý-jatttyǵý jıyny 23 mamyrda Almaty qalasyndaǵy «Qaırat» fýtbol klýbynyń bazasynda bastaldy.

El quramasy Ulttar lıgasy S dıvızıony úshinshi tobynda synǵa túsip jatyr. Qarsylastary — Armenııa, Lıýksembýrg jáne Lıhtenshteın.

Alǵashqy eki oıynda qazaqstandyq fýtbolshylar Armenııaǵa 0:2 esebimen jeńilse, odan keıin Lıýksembýrgpen 2:2 esebimen teń tústi. Al úshinshi týrda Lıhtenshteındi 4:0 esebimen tize búktirse, tórtinshi týrda 3:2 esebimen basym tústi.

Aıta ketsek, Qazaqstan áıelder quramasy ÝEFA Ulttar lıgasy aıasynda sheshýshi eki oıynyn ótkizedi. Aldymen 30 mamyrda Qazaqstan quramasy Lıhtenshteındi qabyldasa, araǵa úsh kún salyp Lıýksembýrgpen kezdesedi.

Eske salsaq, budan buryn UEFA Ulttar lıgasyna qatysatyn Qazaqstan áıelder quramasynyń keńeıtilgen tizimi jarııalandy.