Fýtboldan Qazaqstan áıelder quramasy Qyrǵyzstan komandasymen eki ret kezdesedi

ASTANA. KAZINFORM - Fýtboldan Qazaqstan áıelder quramasy mamyr aıynda Qyrǵyzstanmen eki joldastyq kezdesý ótkizedi.

Qazaqstandyq fýtbolshylar atalǵan qarsylasymen Almaty qalasynda 25 jáne 28 mamyr kúnderi oınaıdy. Bastalýy Qazaqstan ýaqytymen 15:00-ge belgilengen.

Oıyndar «QazSport» telearnasy men KFF YouTube-arnasy arqyly tikeleı efırde kórsetiledi.

23 mamyr kúni Qazaqstan ulttyq quramasy Almatydaǵy «Qaırat» FK bazasynda oqý-jattyǵý jıynyn bastaıdy.

El quramasy Ulttar lıgasy S dıvızıony úshinshi tobynda synǵa túsip jatyr. Qarsylastary - Armenııa, Lıýksembýrg jáne Lıhtenshteın.

Alǵashqy eki oıynda qazaqstandyq fýtbolshylar Armenııaǵa 0:2 esebimen jeńilse, odan keıin Lıýksembýrgpen 2:2 esebimen teń tústi. Al úshinshi týrda Lıhtenshteındi 4:0 esebimen tize búktirse, tórtinshi týrda 3:2 esebimen basym tústi.

Aıta ketsek, Qazaqstan áıelder quramasy ÝEFA Ulttar lıgasy aıasynda sheshýshi eki oıynyn ótkizedi. Aldymen 30 mamyrda Qazaqstan quramasy Lıhtenshteındi qabyldasa, araǵa úsh kún salyp Lıýksembýrgpen kezdesedi.