Fýtboldan Italııa chempıonaty máresine jetti
Bıyl A serııasynda Týrınniń «ıÝventýs» komandasy chempıon atandy. Týrındik klýb bul ataqqa eki týr buryn qol jetkizdi. Osylaısha komanda óziniń tarıhynda 36 márte altynnan alqa taqty.
Nátıjesinde Italııa klýbtarynyń arasynda bul jóninen rekordtyq kórsetkishke jetti. Taǵy bir aıta keterligi - sońǵy segiz jylda A serııasynda oǵan teń keletin klýb tabylmaı tur.
«ıÝventýs» sońǵy týrda «Roma» klýbymen kezdesti. Olar qarsylasyna 1:3 esebimen ese jiberdi. Soǵan qaramastan chempıondyq ataǵyn saqtap qaldy.
Bıyl ekinshi oryn taǵdyry sońǵy týrǵa deıin sheshilgen joq. Oǵan «Inter», «Atalanta», «Latsıo» komandalary talasty. Sońǵy týrda «Atalanta» men «Inter» ózara kezdesip, oıynda ınterlik fýtbolshylar 2:0 esebimen basym tústi.
Al «Latsıo» syrt alańda «Napolı» klýbynan 1:2 esebimen jeńilip qaldy. Nátıjesinde ekinshi oryn «Interge» buıyrdy. Odan keıingi eki oryndy «Atalanta» men «Latsıo» ózara bólisti.
Atalǵan tórt komanda aldaǵy maýsymda UEFA Chempıondar lıgasynda baq synaıdy. Týrnır kestesinde besinshi jáne altynshy oryn alǵan «Roma» men «Mılan» bıyl UEFA Eýropa lıgasyna qatysady.
Bıyl A serııasynan «Lechche», «Breshııa» jáne SPAL komandalary túsip qaldy. Olardyń ornyn V serııasynda alǵashqy eki oryn alǵan «Benevento» jáne «Krotone» komandalary basty. Taǵy bir joldama 3-8 oryn alǵan komandalar arasyndaǵy pleı-off satysy arqyly anyqtalady.
Esterińizge sala ketelik, A serııasy koronavırýs pandemııasyna baılanysty naýryz aıynda toqtatyldy. Odan keıin 20 maýsymda qaıta jalǵasty.
A serııasyndaǵy aldaǵy fýtbol maýsymy qashan bastalatyny belgisiz. Ázirge ol 12 qyrkúıekke josparlanyp otyr.
Eger Italııa chempıonaty atalǵan merzimde bastalmaǵan jaǵdaıda komandalar eki dıvızıon boıynsha synǵa túsip, odan keıin pleı-off kezeńine jalǵasýy múmkin.
