Fýtboldan Germanııa birinshiligi qaıta jalǵasady
NUR-SULTAN. QazAqparat - Fýtboldan Germanııa chempıonaty mamyr aıynyń ortasynda qaıta jalǵasady. Koronavırýs pandemııasyna baılanysty Býndeslıga oıyndary keıinge shegerilgen bolatyn, dep habarlaıdy QazAqparat tilshisi lıga saıtyna silteme jasap.
Býndeslıga basshylyǵy Eýropadaǵy jetekshi sanalatyn ulttyq fýtbol lıgalary arasynda birinshi bolyp chempıonatty qaıta jalǵastyrýǵa kóńil bólip otyr.
Nemis fýtbol lıgasy (DFL) budan buryn barlyq oıynshyǵa ınfektsııaǵa baılanysty turaqty tekserý júrgiziletinin jarııalaǵan edi. Sondaı-aq, aldaǵy oıyndar ázirge jankúıersiz ótedi.
Esterińizge sala ketelik, Býndeslıgada sońǵy 25-týr oıyndary 8 naýryzda ótti. Qazir týrnır kestesinde «Bavarııa» 55 upaımen kósh bastap tur. Odan keıingi oryndardaǵy «Borýssııa» (Dortmýnd) klýbynda - 51, «Leıptsıgte» - 50 upaıdan bar.
Budan buryn fýtboldan Frantsııanyń PSJ komandasy chempıon bolyp tanyldy.
