Frantsııa fýtbol quramasy Eýropa chempıonatynyń fınal satysyna shyqty

Fýtboldan 2024 jylǵy Eýropa chempıonaty irikteý satysyndaǵy kezekti týr oıyndary bastaldy, dep habarlaıdy Kazinform.

Jankúıerler 13 qazannan 14-ne qaraǵan túni V tobyndaǵy Nıderland pen Frantsııa kezdesýin asyǵa kútti.

Bes týr boıy jeńilistiń aşy dámin tatyp kórmegen frantsııalyq fýtbolshylar bul joly da upaı joǵaltpaýǵa tyrysty.

Nátıjesinde Kılıan Mbappe 7, 53-mınýtta dáldigimen kózge tústi.

Bul - frantsııalyq jartylaı qorǵaýshynyń atalǵan irikteý satysyndaǵy tórtinshi jáne besinshi goly.
Oǵan nıderlandtyq Kvılındshı Hartman 83-mınýtta bir golmen jaýap qaıyrdy.

Osylaısha frantsııalyq qurama qarsylasynan 2:1 esebimen basym túsip, qurlyqtyq dodanyń fınaldyq satysyna joldamaǵa ıe boldy.

Barlyq oıyn nátıjeci:

V toby: Irlandııa - Grekııa 0:2, Nıderland - Frantsııa 1:2
F toby: Estonııa - Ázerbaıjan 0:2, Avstrııa - Belgııa 2:3
J toby: Islandııa - Lıýksembýrg 1:1, Portýgalııa - Slovakııa 3:2 , Lıhtenshteın - Bosnııa jáne Gertsegovına 0:2

Endi C, G, H toptarynda kezekti týr oıyndary ótedi.

Eske salsaq, 14 qazannan 15-ne qaraǵan túni elorda ýaqytymen 00:35-de Qazaqstan quramasynyń Danııaǵa qarsy kezdesýi ótedi.

Oıyn «Qazaqstan» jáne «Qazsport» telearnalarynan tikeleı efırde kórsetiledi.