Fýtboldan Eýropa lıgasy: «Manchester ıÝnaıted» pen «Inter» jarysty jalǵastyrady
NUR-SULTAN. QazAqparat - UEFA Eýropa lıgasy shırek fınalyna joldama alǵan tórt komanda anyqtaldy, dep habarlaıdy QazAqparat tilshisi.
Esterińizge sala ketelik, búgin Eýropa lıgasy 1/8 fınalynyń tórt oıyny ótkizildi. Buǵan deıin Ýkraınanyń «Shahter Donetsk» jáne Danııanyń «Kopengagen» komandalary shırek fınalǵa joldama alǵanyn habarlaǵan edik.
Olardyń qataryna Anglııanyń «Manchester ıÝnaıted» pen «Inter» komandalary da qosyldy.
Aǵylshyn klýby búgin óz alańynda Avstrııanyń LASK komandasyn qabyldady. Kezdesýde olar qarsylasyn 2:1 esebimen jeńdi. Eki komanda arasyndaǵy alǵashqy oıynda «Manchester ıÝnaıted» 5:0 esebimen basym túsken bolatyn. Osylaısha aǵylshyn komandasy shırek fınalǵa shyqty.
Taǵy bir kezdesý Italııanyń «Inter» jáne Ispanııanyń «Hetafe» komandalary arasynda ótkizildi.
Esterińizge sala ketelik, koronavırýs indeti saldarynan olardyń arasyndaǵy alǵashqy kezdesý bolǵan joq. Sondyqtan shırek fınalǵa beriletin joldama nebári bir oıynnyń ǵana nátıjesi boıynsha anyqtaldy. Kezdesý beıtarap alańda, Germanııanyń Gelzenhırhen qalasynda boldy. Oıynda «Inter» qarsylasynan 2:0 esebimen basym tústi.
Eýropa lıgasy oıyndary 6 tamyzda jalǵasady. Bul kúni «Sevılıa» (Ispanııa) jáne «Roma» (Italııa), «Baıer» (Germanııa) jáne «Glazgo Reındjers» (Shotlandııa), «Výlvergempton Ýonderers» (Anglııa) jáne «Olımpıakos Pıreı» (Grekııa), «Bazel» (Shveıtsarııa) jáne «Aıntraht Frankfýrt» (Germanııa) komandalary sheberlik baıqasady.
Jarystyń shırek jáne jartylaı fınal oıyndary Germanııanyń Gelzenkırhen, Dýısbýrg, Dıýsseldorf, Keln qalalarynda ótedi. Al fınal 21 tamyzda Keln qalasyndaǵy «Reın Energı» stadıonynda bolady.
