Fýtboldan Eýropa lıgasy: «Qaırat» óz alańynda Armenııanyń «Alashkert» komandasymen kezdesti
NUR-SULTAN. QazAqparat - Búgin, 29 shildede UEFA Eýropa lıgasy úshinshi irikteý satysynda qazaqstandyq «Qaırat» óz alańynda Armenııanyń «Alashkert» komandasymen kezdesti, dep habarlaıdy QazAqparat tilshisi.
Atalǵan kezdesýde esep ashylǵan joq. Eki komandanyń gol soǵatyn birneshe múmkindigi boldy. Degenmen olar 0:0 esebine qanaǵat bildirdi.
Endi qarymta oıyn 12 tamyzda ótkiziledi.
Eki komanda 2015 jyly Eýropa lıgasy ekinshi irikteý satysynda kezdesken edi. Óz alańynda qazaqstandyq klýb 3:0 esebimen jeńse, syrt alańda 1:2 esebimen ese jiberdi. Nátıjesinde qazaqstandyqtar jarysty jalǵastyrǵan bolatyn.
Almatylyq komanda bıyl eýrokýbokty Chempıondar lıgasynda bastaǵan bolatyn. Almatylyq komanda birinshi irikteý satysynda Izraıldiń «Makkabı» (Haıfa) komandasyn (2:0, 1:1) orta jolda qaldyryp ketti.
Odan keıin Serbııanyń «Tsrvena Zvezda» komandasyna (2:1, 0:5) ese jiberip qoıdy.
