Fýtboldan Eýropa lıgasy: «Qaırat» Armenııanyń «Alashkert» komandasymen kezdesedi
NUR-SULTAN. QazAqparat - Búgin, 29 shildede UEFA Eýropa lıgasy úshinshi irikteý satysynda qazaqstandyq «Qaırat» óz alańynda Armenııanyń «Alashkert» komandasymen kezdesedi, dep habarlaıdy QazAqparat tilshisi.
Atalǵan kezdesý Almaty qalasyndaǵy ortalyq stadıonda ótkiziledi. Kezdesý elorda ýaqytymen saǵat 20:00-de bastalyp, Qazsport telearnasynan tikeleı efırde kórsetiledi.
Kezdesý barysynda Belarýskelinen kelgen Alekseı Kýlbakov bas tóreshi qyzmetin atqarady. Oǵan Dmıtrıı Jýk pen Oleg Maslıanko kómekshilik jasaıdy. Qosalqy tóreshi de - sol eldiń ókili Dmıtrıı Dmıtrıev.
«Alashkert» komandasy 1990 jyly qurylǵan. Armenııa birinshiliginde tórt márte chempıon atanǵan. Eýrokýbok oıyndarynda 2015 jyldan beri óz eliniń namysyn qorǵap keledi. Sol jyly Eýropa lıgasy ekinshi irikteý satysynda «Qaıratpen» kezdesti. Óz alańynda qazaqstandyq klýb 3:0 esebimen jeńse, syrt alańda 1:2 esebimen ese jiberdi.
«Alashkert» quramynda negizinen armenııalyq fýtbolshylar oıyn kórsetedi. Sondaı-aq, brazılııalyq, ýkraınalyq, namıbııalyq, serbııalyq, reseılikter komandada oınaıdy.
Eki komanda da bıylǵy eýrokýbokty Chempıondar lıgasynda bastaǵan bolatyn.
Almatylyq komanda birinshi irikteý satysynda Izraıldiń «Makkabı» (Haıfa) komandasyn (2:0, 1:1) orta jolda qaldyryp ketti. Al «Tsrvena Zvezda» ekinshi irikteý satysyna joldama alǵan.
Odan keıin Serbııanyń «Tsrvena Zvezda» komandasyna (2:1, 0:5) ese jiberip qoıdy.
Al «Alashkert» aldymen Ýelstiń «Konnas-Kı Nomads» klýbyn (2:2, 0:0. overtaımda 3:2) qapy qaldyryp, odan keıin Moldovanyń
«Sherıf» (0:1, 1:3) komandasyna ese jiberdi.
