Fýtboldan Eýropa lıgasy: Fınalǵa shyqqan eki komanda anyqtaldy
NUR-SULTAN. QazAqparat - UEFA Eýropa lıgasy fınalyna joldama alǵan eki komanda anyqtaldy, dep habarlaıdy QazAqparat tilshisi.
Alǵashqy jupta «Roma» (Italııa) men «Manchester ıÝnaıted» (Anglııa) komandalary sheberlik baıqasty. Olardyń arasyndaǵy jeńimpaz birinshi kezdesýde-aq anyqtalyp qoıdy deýge negiz bar. Aǵylshyn jerinde ótken oıynda «Manchester ıÝnaıted» qarsylasyn 6:2 esebimen oısyrata jeńgen bolatyn.
Búgingi oıynda ıtalıandyq klýb sol ketken eseni qaıtarýǵa tyrysty. Degenmen aǵylshyn fýtbolshylary oǵan múmkindik bere qoıǵan joq. Oıynnyń 39-mınýtynda «Manchester ıÝnaıted» sapynan Edınson Kavanı mergendik tanytty. Odan keıin «Roma» sapynan Edın Djeko 57, Brıan Krıstante 60-mınýttarda qaqpany dál kódedi. Al 68-mınýtta Edınson Kavanı óziniń ekinshi golyn soǵyp, tarazy basyn teńestirdi. Nıkola Zalevskıı 83-mınýtta «Romany» taǵy da alǵa shyǵardy. Kezdesýde alań ıeleri 3:2 esebimen jeńdi. Alaıda qos oıynnyń qorytyndysymen «Manchester ıÝnaıted» fınalǵa joldama aldy.
«Arsenal» (Anglııa) men «Vılıarreal» (Ispanııa) komandalary taǵy bir joldamanyń ıegerin anyqtady. Birinshi kezdesýde «Vılıarreal» aǵylshyndyq klýbty 2:1 esebimen tize búktirdi.
Búgingi oıynda da tartysqa toly boldy. Dese de qarsylastar bir-biriniń qaqpasynan sańylaý taba alǵan joq. Kezdesý 0:0 esebimen teń aıaqtaldy. Fınalǵa «Vılıarreal» joldama aldy.
Fınal 26 mamyrda Polshanyń Gdansk qalasyndaǵy «Energa Gdansk» stadıonynda ótkiziledi.
