Fýtboldan Eýropa lıgasy: «Barselona» óz alańynda teń tústi
NUR-SULTAN. QazAqparat - Fýtboldan UEFA Eýropa lıgasy 1/16 fınalyndaǵy alǵashqy oıyndar ótkizildi, dep habarlaıdy QazAqparat tilshisi.
Aldymen Chempıondar lıgasynda baq synap, óz tobynda úshinshi orynǵa turaqtaǵan Ispanııanyń «Barselona» komandasy bul joly da mardymdy oıyn órnegimen kózge túse alǵan joq. Ispanııalyq klýb óz alańynda Italııanyń «Napolı» komandasymen kezdesýinde 1:1 esebine qanaǵat bildirdi.
Komandalardyń oıyn nátıjesi tómendegishe:
«Sherıf» (Moldavııa) – «Braga» (Portýgalııa) 2:0
«Borýssııa Dortmýnd» (Germanııa) – «Reındjers» (Shotlandııa) 2:4
«Zenıt» (Reseı) – «Betıs» (Ispanııa) 2:3
«Barselona» (Ispanııa) – «Napolı» (Italııa) 1:1
«Portý» (Portýgalııa) – «Latsıo» (Italııa) 2:1
«Atalanta» (Italııa) – «Olımpıakos» (Grekııa) 2:1
«Sevılıa» (Ispanııa) – «Dınamo Zagreb» (Horvatııa) 3:1
«RB Leıptsıg» (Germanııa) – «Real Sosedad» (Ispanııa) 2:2.
Jarystyń atalǵan satysyndaǵy qarymta oıyndar 24 aqpanǵa belgilengen.
