Fýtboldan Eýropa lıgasy fınalynda anglııalyq eki klýb kezdesedi

ASTANA. KAZINFORM — Fýtboldan UEFA Eýropa lıgasy fınalyna shyqqan komandalar anyqtaldy.

Jarystyń atalǵan satysyndaǵy kezdesýdiń birinde «Manchester ıÝnaıted» (Anglııa) pen «Atletık Bılbao» (Ispanııa) sheberlik baıqasty.

Alǵashqy kezdesýde anglııalyq klýb 3:0 esebimen basym túsken edi. Sondyqtan «Atletık Bılbao» joldamanyń qoldan sýsyp bara jatqanyn túsinip, birden shabýyl uıymdastyrýǵa tyrysty. Osyndaı sáttiń birinde Mıkel Haýrehısar 31-mınýtta amergendik tanytty.

Esesine odan keıin ıspanııalyq komanda óz qaqpasynan tórt márte dopty alyp shyǵýǵa májbúr boldy. «Manchester ıÝnaıted» sapynan Meıson Maýnt 72, 91, Kazemıro 80, Rasmýs Hoılýnd 85-mınýtta gol soqty.

Osylaısha anglııalyq klýb qarsylasyn 4:1 esebimen tize búktirip, fınalǵa joldama aldy.
Taǵy bir oıynda Anglııanyń «Tottenhem Hotspýr» klýby syrt alańda norvegııalyq «Bodo-Glımt» komandasyn 2:0 esebimen jeńdi. Olardyń qatarynan Domınık Solanke 63, Pedro Porro 69-mınýtta kózdegen nysanadan múlt ketken joq.

Birinshi oıynda da «Tottenhem Hotspýr» 3:1 esebimen basym túsken edi.