Fýtboldan Eýropa chempıonatynyń formaty naýryz aıynda belgili bolady - ÝEFA
Qazirgi ýaqytta koronavırýs pandemııasyna baılanysty birqatar Eýropa elderinde stadıondaǵy kórermender sanyna shekteý qoıylǵan.
«Bizde ÝEFA-nyń eýrochempıonatty ótkizýiniń úsh jahandyq stsenarııi qarastyrylady degen resmı ustanym bar, biz oǵan daıyndalyp jatyrmyz. Stsenarııler anyq belgili, deıdi Eýro-2020 reseılik uıymdastyrý komıtetiniń bas dırektory Alekseı Sorokın.
Kórermenderdiń bolmaýynan týrnırdi tolyq formatta ótkizýge deıingi dıapazon qarastyrylǵan. ÝEFA pandemııaǵa qatysty oń ózgerister bolady dep úmittenip otyr, óıtkeni bastapqyda-aq týrnırdiń qalypty formatta ótkizý nusqasy qarastyrylǵan. Buǵan deıin birneshe BAQ týrnırge qatysatyn qalalar sanyn bir qalaǵa deıin qysqartý múmkindigi týraly habarlaǵan bolatyn.
«Biz ÝEFA-nyń barlyq 12 qalada daıyndyq júrip jatqany týraly resmı ustanymyna súıenemiz. Bul tujyrymdamada eshqandaı ózgeris joq», - dep jaýap berdi agenttikke suhbat berýshi «Kelesi jazda Eýropa chempıonatynyń matchtary ótetin qalalar sany qysqarýy múmkin be?» degen suraqqa.
Eýropa chempıonatyn ótkizý bastapqyda Eýropanyń 12 qalasynda josparlanǵan edi: Sankt-Peterbýrg, London, Mıýnhen, Baký, Rım, Býharest, Dýblın, Kopengagen, Bılbao, Glazgo, Býdapesht jáne Amsterdam. Sankt-Peterbýrgte toptyq kezeńniń úsh matchy jáne shırek fınaldyń biri ótýi tıis.
Eýropa chempıonaty 2020 jyldyń 12 maýsymy men 12 shildesi aralyǵynda ótýi kerek edi. Koronavırýs pandemııasyna baılanysty ÝEFA týrnırdi kelesi jyldyń jazyna aýystyrý týraly sheshim qabyldady. Jarys 2021 jyldyń 11 maýsymy men 11 shildesi kúnderi ótedi.
