Fýtboldan Eýropa chempıonaty: Ýels quramasy Shveıtsarııamen kezdesedi
NUR-SULTAN. QazAqparat - Búgin fýtboldan 2020 jylǵy Eýropa chempıonatynyń fınaldyq kezeńinde Ýels jáne Shveıtsarııa quramalary kezdesedi, dep habarlaıdy QazAqparat tilshisi.
Dúbirli doda 11 maýsym kúni bastaldy, alǵashqy kezdesýde Italııa Túrkııany 3:0 esebimen oısyrata jeńdi.
Búgin atalǵan toptaǵy taǵy bir kezdesýde A tobynda Ýels pen Shveıtsarııa jasyl alańǵa shyǵady. Bul kezdesý elorda ýaqytymen saǵat 18:50-de bastalyp, «Qazsport» telearnasynan tikeleı efırde kórsetiledi.
Qos qurama arasyndaǵy tartys Ázerbaıjan astanasy Baký qalasyndaǵy Olımpıadalyq stadıonynda ótkiziledi. Oǵan frantsııalyq Kleman Týrpen bas tóreshi bolsa, otandastary Nıkolıa Dano men Sırıl Grengor kómekshilik jasaıdy. Qosalqy tóreshi - serbııalyq Srdjan Iovanovıch.
Aıta keteıik, eki qurama buǵan deıin 2 márte kezdesken. Ekeýi bir-birden jeńiske jetti.
FIFA jańartylǵan reıtınginde Ýels quramasy 17-orynda tursa, Shveıtsarııa 13-orynǵa jaıǵasqan.
Ýels Eýropa chempıonaty fınaldyq kezeńinde bıyl ekinshi márte baq synaýǵa múmkindik aldy. Alǵash ret olar 2016 jyly dúbirli doda tórinen kóringen bolatyn.
2020 jylǵy qurlyqtyq dodanyń týrnırinde atalǵan qurama alǵa Belgııa jáne Chehııany jiberip, úshinshi orynǵa taban tiredi. Nátıjesinde ózge toptarda atalǵan oryndarǵa ıe bolǵan quramalar arasynda kórsetkishi boıynsha úzdik shyǵyp, qurlyqtyq dodaǵa qatysý múmkindigine qol jetkizdi.
Shveıtsarııa Eýropa chempıonatyna bıyl besinshi márte qatyspaq. Aldymen 1996 jyly úzdikter qatarynan kóringen olar 2004, 2008, 2016 jyldarda dúbirli doda kórigin qyzdyrdy.
Qurlyqtyq doda irikteý týrnırinde shveıtsarııalyq fýtbolshylar S tobynda Italııany alǵa salyp, ekinshi orynǵa jaıǵasty. Osylaısha fınaldyq týrnırge shyqqan 24 quramanyń qataryna qosyldy.
Sondaı-aq, búgin V tobyndaǵy Danııa men Fınlıandııa (saǵat 21:50), Belgııa men Reseı (saǵat 00:50) quramalary kezdesedi.
