Fýtboldan Eýropa chempıonaty: Shırek fınalǵa shyqqan alǵashqy qurama anyqtaldy

NUR-SULTAN. QazAqparat - Fýtzaldan 2022 jylǵy Eýropa chempıonaty fınaldyq satysynda 1/4 fınalǵa joldama alǵan alǵashqy qurama belgili boldy, dep habarlaıdy QazAqparat tilshisi.

Mundaı múmkindikke Portýgalııa quramasy qol jetkizdi. Portýgaldyq fýtzalshylar búgin Nıderlandy quramasyn 4.1 eesbimen tize búktirdi. Alǵashqy týrda olar Serbııadan 4:2 esebimen basym túsken edi. Osylaısha alty upaıdy qaltaǵa basqan portýgalııalyq qurama jarystyń kelesi satysyna berilgen joldamany erterek qaltaǵa salyp qoıdy.

Sondaı-aq, búgin Ýkraına Serbııany 6:1 esebimen tize búktirgen edi.

Endi taǵy bir joldama Nıderlandy jáne Ýkraına quramalary arasynda sheshiledi. 28 qańtarda Ýkraına Portýgalııamen kezdesse, Nıderlandy men Serbııa sheberlik baıqasady.

Eske salsaq, V tobynda oınaıtyn Qazaqstan birinshi týrda Slovenııamen 4:4, Italııa men Fınlıandııa 3:3 esebimen teń tústi.

Endi ekinshi týrda 24 qańtarda Italııa men Slovenııa, Qazaqstan men Fınlıandııa alańǵa shyǵady.

Aıta ketsek, týrnır Nıderlandynyń Amsterdam jáne Gronıngen qalalarynda 19 qańtar jáne 6 aqpan kúnderi ótkiziledi.