Fýtboldan Eýropa chempıonaty: Nıderlandy Avstrııany súrindirdi
NUR-SULTAN. QazAqparat - Fýtboldan Eýropa chempıonatynyń fınaldyq satysynyń toptyq kezeńi ekinshi týrynda Nıderlandy men Avstrııa quramalary kezdesti, dep habarlaıdy QazAqparat tilshisi.
Eske salsaq, atalǵan eki qurama S tobynda synǵa túsedi. Qarsylastary – Ýkraına jáne Soltústik Makedonııa.
Alǵashqy týrda Nıderlandy Ýkraınadan 3:2 esebimen basym tússe, Avstrııa Soltústik Makedonııany 3:1 esebimen jeńdi.
Bul topta keshe, 17 maýsymda ekinshi týrda Ýkraına Soltústik Makedonııany 2:1 esebimen tize búktirdi.
Eki qurama buǵan deıin 19 márte kezdesti. Onyń toǵyzynda Nıderlandy jeńip, altaýynda Avstrııa basym tússe, qalǵanynda teń nátıje tirkeldi.
Aıta keterligi, Avstrııa atalǵan qarsylasyn 1990 jyldan beri jeńe almaı keledi. Sodan beri alty oıynda da nıderlandylyq fýtbolshylar avstrııalyqtardy qapy qaldyryp júr.
Búgingi kezdesýde qos quramanyń da oıyny qarqyndy boldy. Jeńiske jetkeni jarystyń kelesi satysyna beriletin joldamany bir týr buryn qaltaǵa basýy tıis.
Oıynnyń 11-mınýtynda Avstrııaǵa qaqpasyna belgilengen penaltıdi Memfs Depaı múlt jibergen joq. Al Denzel Dıýmfrıs 67-mınýtta qorytyndy esepti belgiledi.
Osylaısha Nıderlandy qarsylasynan 2:0 esebimen basym tústi.
