Fýtboldan Eýropa chempıonaty: Italııa toptyq kezeńde upaı joǵaltqan joq
NUR-SULTAN. QazAqparat - Fýtboldan Eýropa chempıonatynyń fınaldyq satysynyń toptyq kezeńi úshinshi týrynda Italııa men Ýels kezdesti, dep habarlaıdy QazAqparat tilshisi.
Eske salsaq, atalǵan eki qurama A tobynda synǵa túsedi. Qarsylastary – Shveıtsarııa men Túrkııa.
Alǵashqy eki týrda Italııa quramasy Túrkııa men Shveıtsarııany 3:0 esebimen jeńdi.
Al Ýels Shveıtsarııamen 1:1 esebimen teń tússe, Túrkııadan 2:0 esebimen basym tústi.
Búgingi oıynda ıtalııalyq fýtbolshylardyń basymdyǵy baıqalyp turdy. Nátıjesinde Matteo Pessına 39-mınýtta esep ashty.
Oıynda Italııa qarsylasyn 1:0 esebimen jeńdi. Olar toptyq kezeńde upaı joǵaltqan joq.
Italııa men Ýels te jarysty jalǵastyrýǵa múmkindik aldy.
Endi 1/8 fınal oıyndary 26-29 maýsym kúnderi ótkiziledi.
Oıyndar dúbirli doda tarıhynda tuńǵysh ret Eýropanyń 10 memleketinde ornalasqan 11 stadıonda ótýde. Bul Eýropa chempıonatynyń 60 jyldyq mereıtoıyna oraı uıymdastyrylǵan.
Fýtboldan Eýropa chempıonaty 11 maýsymda bastaldy, 11 shildede máresine jetedi.
