Fýtboldan Eýropa chempıonaty: Italııa Belgııany jeńip, jartylaı fınalǵa shyqty
NUR-SULTAN. QazAqparat - Búgin Italııa quramasy fýtboldan Eýropa chempıonatynyń jartylaı fınalyna joldama aldy, dep habarlaıdy QazAqparat tilshisi.
Eki qurama buǵan deıin 22 márte kezdesti. Onyń 4-de Belgııa basym túsip, 14-de Italııa jeńse, qalǵanynda teń esep tirkeldi.
Sońǵy ret Belgııa Italııany 2015 jyldyń 13 qarashasynda joldastyq kezdesýde 3:1 esebimen jeńgen bolatyn.
Belgııa quramasy atalǵan qarsylasyna ketken esesin búgin qaıtarýǵa tyrysqan edi. Degenmen oǵan ıtalııalyq fýtbolshylar múmkindik bergen joq.
Oıyn basynan ıtalııalyqtar belsendilik tanytty. Nátıjesinde 31-mınýtta Nıkolo Barella olardy alǵa shyǵardy. Al 44-mınýtta Lorentso Insıne esepti ústemeleı tústi.
Birinshi kezeńniń sońyna taman 45-mınýtta Italııa qaqpasyna belgilengen penaltıdi belgııalyq Romelý Lýkaký múlt jibergen joq.
Kezdesýde Italııa qarsylasyn 2:1 esebimen jeńip, jartylaı fınalǵa joldama aldy. Aldaǵy qarsylasy - Ispanııamen 6 shildede kezdesedi.
Ispandyqtar shırek fınalda Shveıtsarııany jeńip ketti.
Sondaı-aq, jarystyń atalǵan satysynda 3 shildede Chehııa men Danııa, Ýkraına men Anglııa quramalary kezdesedi.
Jartylaı fınal oıyndary 6 jáne 7 shilde kúnderi ótedi. Fınal 11 shildege belgilengen.
