Fýtboldan Eýropa chempıonaty: Italııa 53 jyldan soń chempıon atandy
Eki qurama buǵan deıin 27 márte kezdesti. Onyń 10-da Italııa jeńiske jetip, 8-de Anglııa basym tússe, qalǵanynda teń nátıje tirkeldi.
Sońǵy úsh oıynda Anglııa atalǵan qarsylasynyń osal tusyn taba almaı keledi. Úsh kezdesýdiń ekeýinde teń tússe, bireýinde qarsylasyna ese jiberdi.
Aıta keterligi, óz tarıhynda Italııa 1968 jyly chempıon atansa, Anglııa alǵash ret fınalǵa shyǵyp otyr. Sondyqtan aǵylshyndyq fýtbolshylar alǵashqy mınýttan alǵa qaraı umtyldy.
Nátıjesinde oıynnyń 3-mınýtynda esep ashyldy. Ony otandasy Kıran Trıpperdiń pasynan keıin aǵylshyndyq qorǵaýshy Lıýk Shoý óziniń enshisine jazdy.
Oıynnyń 67-mınýtynda ıtalııalyq Leonardo Bonýchchı tarazy basyn teńestirdi. Negizgi kezeń 1:1 esebimen teń aıaqtalyp, oıyn overtaımǵa ulasty. Overtaımda jeńimpaz anyqtalǵan joq. Penaltı tebýde Italııanyń joly boldy. Osylaısha araǵa 53 jyl salyp, chempıon atandy.
Eske salaıyq, bul báseke on altynshy márte ótkizilip otyr. 1960 jyldan beri turaqty túrde uıymdastyrylyp júrgen Eýropa birinshiligi bıyl tuńǵysh ret kári qurlyqtyń 10 memleketinde ornalasqan 11 stadıonda ótti. Bul dúbirli dodanyń 60 jyldyq mereıtoıyna oraı 24 qurama synǵa tústi.
Al 2024 jyly dúbirli doda Germanııada ótkiziledi. Ol 14 aqpan men 14 shilde aralyǵynda bolady.
