Fýtboldan Eýropa chempıonaty: Ispanııa men Polsha teń tústi
NUR-SULTAN. QazAqparat - Fýtboldan Eýropa chempıonatynyń fınaldyq satysynyń toptyq kezeńi ekinshi týrynda Ispanııa men Polsha kezdesti, dep habarlaıdy QazAqparat tilshisi.
Eske salsaq, atalǵan eki qurama E tobynda synǵa túsedi. Qarsylastary – Shvetsııa men Slovakııa.
Alǵashqy týrda Polsha Slovakııaǵa 1:2 esebimen jol berse , Ispanııa Shvetsııamen 1:1 esebimen teń tústi.
Ispanııa men Polsha buǵan deıin 12 márte kezdesti. Onyń 8-inde ıspandar jeńiske jetip, 3-eýinde polshalyqtar basym tússe, qalǵanynda teń nátıje tirkeldi.
Búgingi kezdesýde aldymen ıspandar esep ashty. Oıynnyń 25-mınýtynda Alvaro Morata Ispanııany alǵa shyǵardy. Budan keıin 54-mınýtta polshalyq Robert Levandovskı tarazy basyn teńestirdi. Al 58-mınýtta ıspanııalyq Jerar Moreno penaltıdi múlt jiberdi.
Kezdesýde quramalar 1:1 esebine qanaǵat bildirip tarasty.
Atalǵan kezdesýmen ekinshi týr oıyndary túıindeldi. Endi 20 maýsymda A tobyndaǵy quramalar 1/8 fınalǵa joldama kimderge buıyrǵanyn anyqtaıdy.
Aıta keteıik, endi atalǵan toptaǵy úshinshi týr oıyndary 23 maýsymda ótkiziledi. Bul kúni Ispanııa men Slovakııa, Shvetsııa men Polsha quramalary sheberlik baıqasady.
