Fýtboldan Eýropa chempıonaty: Horvatııa men Chehııa teń tústi
NUR-SULTAN. QazAqparat - Fýtboldan Eýropa chempıonatynyń fınaldyq satysynyń toptyq kezeńi ekinshi týrynda Horvatııa men Chehııa kezdesti, dep habarlaıdy QazAqparat tilshisi.
Eske salsaq, atalǵan eki qurama E tobynda synǵa túsedi. Qarsylastary – Anglııa men Shotlandııa.
Alǵashqy týrda Chehııa Shotlandııadan 2:0 esebimen basym tússe, Horvatııa Anglııaǵa 0:1 esebimen jol berdi.
Eki qurama buǵan deıin úsh márte kezdesti. Onyń bireýinde horvatııalyqtar jeńiske jetse, eki kezdesýde teń nátıje tirkeldi.
Búgingi kezdesýde horvatııalyq quramanyń basymdyǵy aıqyn ańǵarylyp turdy. Dese de alǵashqy goldy chehııalyqtar soqty. Oıynnyń 37-mınýtynda Horvatııa qaqpasyna belgilengen penaltıdi chehııalyq Patrık Shık múlt jibergen joq.
Ekinshi kezeńniń 47-mınýtynda horvatııalyq Ivan Perıshıchı tarazy basyn teńestirdi. Budan keıin tablodaǵy esepke ózgeris engen joq. Kezdesý 1:1 esebimen teń aıaqtaldy.
Búgin atalǵan topta Anglııa men Shotlandııa sheberlik baıqasady.
Bul toptaǵy úshinshi týr oıyndary 22 maýsymda bolady. Bul kúni Horvatııa men Shotlandııa, Chehııa men Anglııa quramalary kezdesedi.
