Fýtboldan Eýropa chempıonaty: Fınalǵa shyqqan barlyq qurama anyqtaldy
NUR-SULTAN. QazAqparat - Fýtboldan 2020 jylǵy Eýropa chempıonaty fınaldyq kezeńinde baq synaıtyn barlyq qurama anyqtaldy, dep habarlaıdy QazAqparat tilshisi.
Budan buryn oǵan qatysatyn 20 qurama belgili boldy. Qalǵan tórt qurama 12 qarashada ótken qosymsha oıyndar arqyly naqtylandy. Atalǵan oıyndarda Vengrııa Islandııany, Slovakııa Soltústik Irlandııany 2:1 esebimen jeńdi. Óz alańynda Grýzııa Soltústik Makedonııadan 0:1 esebimen ese jiberdi. Al Shotlandııa jáne Serbııa arasyndaǵy kezdesýdiń negizgi kezeńi 1:1 esebimen aıaqtalyp, penaltıden shotlandııalyq quramanyń joly boldy.
Eýropa chempıonaty fınaldyq kezeńinde baq synaıtyn quramalar tómendegishe topqa bólindi.
A toby: Italııa, Túrkııa, Ýels, Shveıtsarııa
V toby: Belgııa, Reseı, Danııa, Fınlıandııa
S toby: Ýkraına, Nıderlandy, Avstrııa, Soltústik Makedonııa
D toby. Anglııa, Horvatııa, Chehııa, Shotlandııa
E toby: Ispanııa, Shvetsııa, Polsha, Slovakııa
F toby Germanııa, Portýgalııa, Frantsııa, Vengrııa.
Eýropa chempıonatynyń fınaldyq kezeńi 2020 jyldyń 12 maýsym-12 shilde aralyǵynda ótkizilýi tıis bolatyn. Koronavırýs ınfektsııasyna baılanysty ol 2021 jylǵa shegerildi. Oıyndar Eýropanyń 12 memleketindegi stadıondarda bolady.
