Fýtboldan Eýropa chempıonaty: Belgııa Portýgalııany jeńip, 1/4 fınalǵa shyqty
NUR-SULTAN. QazAqparat - Fýtboldan Eýropa chempıonatynyń shırek fınalyna joldama alǵan tórtinshi qurama anyqtaldy, dep habarlaıdy QazAqparat tilshisi.
Dúbirli dodanyń 1/8 fınalyndaǵy tórtinshi kezdesýde Belgııa men Portýgalııa jasyl alańǵa shyqty.
Eki qurama buǵan deıin 18 márte kezdesti. Onyń 5-de Belgııa basym túsip, 6-da Portýgalııanyń mereıi ústem boldy, qalǵanynda teń nátıje tirkeldi.
Búgingi kezdesýde qos qurama jarysty jalǵastyrýǵa bar kúshin saldy. Ekeýiniń de esepti ózgertetin múmkindigi kóp boldy. Sondaı sátterdiń birinde belgııalyq Torgan Azar óziniń quramasyn alǵa shyǵardy.
Budan keıin eki quramanyń da gol soǵatyn múmkindigi kóp kezdesti. Dese de tablodaǵy esep ózgerissiz qaldy. Kezdesýde Belgııa qarsylasyn 1:0 esebimen jeńip, jarystyń shırek fınalyna shyqty.
Endi olar shırek fınalda 2 maýsymda Italııamen sheberlik baıqasady.
Eske salsaq, budan buryn Danııa Ýelsti 4:0 esebimen jeńip, Italııa Aýstrııany overtaımda 2:1 esebimen tize búktirdi. Úshinshi kezdesýde Chehııa Nıderlandydan 2:0 esebimen basym tústi.
Aıta ketsek, jarystyń 1/8 fınalynda endi 28 maýsymda Horvatııa men Ispanııa, Frantsııa men Shveıtsarııa sheberlik baıqasady. Al 29 maýsymda Anglııa men Germanııa, Shvetsııa men Ýkraına jasyl alańǵa shyǵady.
