Fýtboldan Eýropa chempıonaty: Belgııa men Danııa 1/8 fınalǵa shyqty
NUR-SULTAN. QazAqparat - Fýtboldan Eýropa chempıonatynyń fınaldyq satysynyń toptyq kezeńinde V tobynda 1/8 fınalǵa shyqqan quramalar anyqtaldy, dep habarlaıdy QazAqparat tilshisi.
Bul topta Belgııa quramasy alǵashqy eki týrda upaı joǵaltqan joq. Sol arqyly jarystyń kelesi satysyna beriletin joldama taǵdyryn sheship qoıdy. Al qalǵan úsh quramanyń da 1/8 fınalǵa shyǵatyn múmkindigi bar bolatyn.
Reseı men Danııa ózara baq synasyp, jeńimpazdy anyqtaýǵa tyrysty. Bul jaǵdaıda danııalyq quramanyń jeńiske jetýge umtylatyny túsinikti edi. Nátıjesinde Mıkkel Damsgor 38-mınýtynda mergendik tanytty. Al 59-mınýtta ıÝssýf Poýlsen esep aıyrmasyn ulǵaıtsa, 70-mınýtta reseılik Artem Dzıýba penaltıden múlt ketken joq. Danııalyq Andreas Krıstensen 79, Ioakım Mehle 82-mınýtta esepti ústemeleı tústi.
Kezdesýde Danııa qarsylasyn 4:1 esebimen jeńip, jarystyń pleı- off satysyna joldama aldy.
Al Fınlıandııa men Belgııa arasyndaǵy kezdesýde birinshi kezeńde esep ashylǵan joq.
Ekinshi kezeńde Lýkash Gradetskı fınlıandııalyq 74-mınýtta óziniń qaqpasyna gol soǵyp aldy. Al 81-mınýtta belgııalyq Romelý Lýkaký qaqpany dál kózdedi.
Osylaısha Belgııa Fınlıandııany 2:0 esebimen súrindirip, jarystyń kelesi satysyna joldama aldy.
Aıta keteıik, buǵan deıin 1/8 fınalǵa tikeleı joldama alǵan tórt qurama belgili. Olardyń qatarynda A tobynda Italııa men Ýels, S tobynda Nıderlandy men Avstrııa quramalary bar.
Endi úshinshi týr oıyndary 23 maýsymda D tobynda ótkiziledi. Bul kúni Horvatııa men Shotlandııa, Chehııa men Anglııa sheberlik baıqasady.
Eske salsaq, búgin S tobynda Nıderlandy Soltústik Makedonııadan 3:0, Avstrııa Ýkraınadan 1:0 esebimen basym tústi.
