Fýtboldan Eýropa chempıonaty: Anglııa men Shotlandııa teń tústi
NUR-SULTAN. QazAqparat - Fýtboldan Eýropa chempıonatynyń fınaldyq satysynyń toptyq kezeńi ekinshi týrynda Anglııa men Shotlandııa kezdesti, dep habarlaıdy QazAqparat tilshisi.
Eske salsaq, atalǵan eki qurama D tobynda synǵa túsedi. Qarsylastary – Horvatııa men Chehııa.
Alǵashqy týrda Anglııa Chehııadan 1:0 esebimen basym tússe, Shotlandııa Horvatııaǵa 0:1 esebimen jol berdi.
Eki qurama buǵan deıin 116 márte kezdesti. Onyń 48-de aǵylshyndar jeńiske jetip, 41-de shotlandııalyqtar basym tússe, qalǵanynda teń nátıje tirkeldi.
Búgingi kezdesýde eki qurama jeńiske jetý jolyn izdedi. Degenmen tablodaǵy esep ózgerissiz qaldy. Oıynda 0:0 esebi tirkeldi.
Búgin atalǵan toptaǵy Horvatııa men Chehııa 1:1 esebimen teń tústi.
Bul toptaǵy úshinshi týr oıyndary 22 maýsymda bolady. Bul kúni Horvatııa men Shotlandııa, Chehııa men Anglııa quramalary kezdesedi.
