Fýtboldan Eýropa chempıonaty: Anglııa Horvatııany jeńdi
NUR-SULTAN. QazAqparat- Búgin fýtboldan Eýropa chempıonatynyń fınaldyq satysynda Anglııa men Horvatııa quramalary kezdesti, dep habarlaıdy QazAqparat tilshisi.
Atalǵan eki komanda D tobynda synǵa túsedi. Qarsylastary -Chehııa jáne Shotlandııa quramalary.
Ekeýi de álemdegi úzdikter qatarynda sanalady. Sondyqtan jankúıerler búgingi oıynnan tartysty básekeni kútti.
Oıyn barysynda aǵylshyndyq qurama sapynan 57-mınýtta Rahım Sterlıng mergendik tanytty.
Kezdesýde Anglııa qarsylasynan 1:0 esebimen basym tústi.
Endi atalǵan toptaǵy Shotlandııa jáne Chehııa quramalary 14 maýsymda sheberlik baıqasady.
Bıylǵy birinshilikte barlyǵy 24 qurama synǵa túsedi. Árbir toptan úzdik eki komanda men kórsetkishi joǵary tórt qurama jarysty jalǵastyrýǵa múmkindik alady.
Oıyndar dúbirli doda tarıhynda tuńǵysh ret Eýropanyń 10 memleketinde ornalasqan 11 stadıonda ótýde. Bul Eýropa chempıonatynyń 60 jyldyq mereıtoıyna oraı uıymdastyrylǵan.
Fýtboldan Eýropa chempıonaty 11 maýsymda bastaldy, 11 shildede máresine jetedi.
